自由煮: Awesome Hot Chocolate

今日會世界未日嗎?  hehe~ 吾知~

不過, 今日是藍魚魚的世界未日罷!

e幾日會去買過條魚魚...


又吾知點解未日令我聯想到awesome~



我都吾知是譯做驚嘆熱朱古力還是了不起的熱朱古力, 不過原用"Awesome Hot Chocolate"硬係好似勁d!

點解熱朱古力無端端有awesome這一詞?

因為加了某些材料之後, 會令一杯朱古力增味, 更好飲滋味!  所以稱之為"awesome"!

當然朱古力粉的品質是靈魂所在, 要用質素較好的才成事.

材料:

純朱古力粉  3-4茶匙
砂糖                2 茶匙
熱牛奶              1 杯
鹽                     小許
雲呢嗱香油        半茶匙

1. 純朱古力粉倒入杯內, 加入砂糖攪拌.
2. 倒入熱牛奶.  加入鹽及
雲呢嗱香油, 成.

第一次試飲, 感覺真是很"awesome", 與普通朱古力奶與別不同!

試過以後, 難以再飲普通朱古力奶!


即使今天是世界未日, 我很高興上天有很多的安排.

我有很好的屋企, 很感恩.  有親戚朋友, 回想與他們共餐真是開心美好!  上天亦賜與"我自己"比我, 至少現在覺得生存得好好!

亦興幸有份工而有未做晒的工作, 因為世界未日的話.....就著數左喇, 哈哈!  講笑咋, 近日非常忙至真!

飲杯~


另....藍魚魚....亞門!

愛吃直人, 去泰成

我也不是個個星期六幫媽咪開飯, 有時會罷工, 和家人外出吃飯的.  是次吃泰國菜!

今次想食泰式明爐烏頭.

媽咪like芋頭, 所以叫了個芋頭飯, 原來咁多餸!  都ok, 有飯焦



另一指定動作, 冬陰功湯.  一睇都知又濃又多料啦!

青木瓜沙律, 香辣可口!

.....後來話冇烏頭, 都冇心機影lu~

於是求奇叫了個小菜, 4個人份都吾洗2百. 如果有烏頭就吾得喇!
味道也相當ok!

愛吃直人, 去一風堂

約了個朋友食午飯, 講起魚魚事件~


可曾講過, 我養的一尾紅色"鬥"魚.  在某一個星期天, 晚飯前一望魚缸.....

條魚吾見左!!!!!

我自問當時並不對魚魚有深感情, 只是身為一個主人, 要負番多小責任!!!

但是, 其實我一點也不熟識養魚這回事, 那一刻只是吾想魚魚死去!!!!


總之, 我應該憑著理性分析, 去估計魚魚有可能"墜落"地上的位置.  正因為魚缸以下不是完全是平面, 所以實在是有點複雜.....

但居然比我搵番魚魚!!!!!  我感意外兼有d放心!!!!  因為它"墜落"的位置是極有可能被踩扁!

而且紅魚魚相當命硬, 我發現它失蹤至搵番佢大約有5-8分鐘.  但實際離開水面可能遠超於10分鐘!!!!!


宜家紅魚魚好番晒重應該幾開心啩, 因為我覺得佢一見到我時, 就會好快咁游來游去聊我!

我會同佢交流吓嫁, 比野食佢啦, 或者手指指咁指下佢, 佢又會有d反應咁~  都幾傻瓜幾得意!


不過, 最近我終於知道上次失蹤事件是什麼一回事....

人會玩衝浪, 紅魚魚玩衝水!!!!

佢會游游下, 突然反方向270度急劇轉彎而衝!!!  好似觸電彈開果隻!

可能當時紅魚魚個魚缸細, 所以衝了出來而"墜落"地上!

宜家佢就梗係開心啦!  個缸大左咁多, 點衝都得!


講完順便出一出食事~

友人說豚王普通....

於是食一風堂....

Woooo.... 好吃的東西別與健康一起談論~  見面頭的香噴噴豬油就知個豬骨湯底夠晒火喉啦!!!!

真是相當滋味!!!!!

自由講: 真係有"船"嫁!

在之前的blog中, 曾講述自己得到scholarship...

係真嫁冇呃人嘅~

雖然在澳洲畢業比較有氣勢, 但係香港畢業禮有較多朋友囉!

其實今次e輯相, 影我影得幾好, 不過出街的, 為同學著想都係要做下效果!

原來...宜家先知道我有好小女同學!

由左數起...
第一個做admin的, 非常之幫手
第2,3,6個都是非常好的講師, 我真的很感激他們!
當然中間果個係我啦!  其他就不用講了!

本來有多幾張相, 不過做效果都幾煩, 所以吾出算了!

之後有lunch buffet...

襯未有人影番張相先~

只是有幾味OK, 有很多都吾ok!

自由講: 最愛自己計劃自由行

人們常道: 跟團一定平過自己去.....

我覺得不是完全正確!!!!

跟團比5星級酒店, 乘什麼較昂貴的飛機航班, 又去幾廿個景點.....點會吾抵呢?

但是有冇想過...如果跟團梗係印象冇咁深刻??!!! 又食得吾好喎!


第一, 自由行的話, 可以選3星或4星酒店; 航班亦不須要最貴的.  可以將成本轉去食d好野!

景點又可以貴精不貴多!  亦可以去一些小人去的特別景點, 又吾洗比什麼導遊費之類.

所以自由行吾一定貴過跟團!  就算貴左小小, 之後的旅程收穫(回憶)會多過跟團好多好多, 因為自由行始終是自己喜歡的選擇!

雖然次次都要搜集一下資料...
可以買一本書, 另外去圖書館借3,4本. 或者好似最近一之去墨爾本及新加坡, 全部書都是借的.

要計劃一下...

想去邊....

住係邊....

點樣去....

時間......

費用........

下面的schedule是第一次帶亞爸媽咪去台北, 所以緊張d!

上次同佢地去新加坡....有兩本旅遊書及netbook, 大約睇過一些景點....

不過冇schedule囉!  因為友人說新加坡很細, 所以見步行步! 大約睇過一些景點, 之前一日先至決定去邊.

其實自己schedule的話, 會有個地理位置的概念, 好過跟團都吾知是東面定係南面還是西定係北邊面!

在自由行旅遊過程中, 亦要應付不少意料不到的事情, 例如意見分歧, 旅遊書資料錯誤, 交通延誤....

還有一些小問題, 例如買了罐淡奶, 冇開罐頭刀, reception亦沒有, 怎算?

總之, 我在買之前已經有信心解決這問題!

只是用鎖匙及小小技巧, 便在罐頭面開了兩個洞.  沖得奶茶了, 冇問題!


不過跟團或自由行也好, 我平日會儲定一d想吾要的衣物, 到旅行時著完就掉!

空出的位置可放"收穫"嘛!

ed春夏秋冬衫就是上次去墨爾本及新加坡帶去著完掉的, 有些退了色, 有些舊了....,

有時會有幾件衫吾捨得掉~  咁就帶番屋企囉!

發揮了"它們"最後的用途, 回家後家中衣物又清減了一點, 即係以後"執"小十件, 非常好!

護膚品都係, 用之前儲落d sample!  用完又可以掉!

其實旅遊除了是一樣消閒, 亦有部份是能力的投射.

你要面對新事物新環境, 去學習, 去吸收新思維.

當然獲得最珍貴的回憶啦!

因為回憶不能重覆亦不能購買!

自由煮: 蒜蓉潮州旺菜

幫媽咪開飯的日子多了, 菜色開始重複.  已經開始搜尋又新又簡單的食譜, 不過有另一些方法.....

就是用新食材!

見到一些未見過的食材品種時, 我都八卦睇下.

有種叫潮州旺菜, 價錢中等吾算貴.  買來試下先!

今次以這味簡單的菜色出blog, 因為這款菜真的值得介紹一下!

原本的樣子是這樣的.

一貫, 我喜歡菜蔬的烹調方式是簡單的, 清清地, 那才可吃出箇中菜味.

而我對於市面上普通旺菜, 感覺不太好.  一來小綠葉, 二來菜身口感有點煙靱, 爽口小小會好一點.


我一向覺得要對身邊的事物有感覺.  就是當我在洗菜時已經覺得有陣陣菜香.  心想: 真定假嫁?

我只是用蒜蓉及小小鹽去炒, 但沒有偷食試味, 因為趕住開飯而忘記了試味.

上碟後拍拍照, 相中菜色與原本比較偏黃, 因為大廳用黃燈.

估吾到反應幾好!  當我一試之下....

真係菜味較濃, 而不是菜'青'味.  菜身亦較普通旺菜爽口.  沒有落糖也不會寡淡!  值得推介!!!

8蚊菜, 加埋上碟的擺佈, 即係presentation, 有50元效果!  亦不是隨街都有  非常之物超所值啦!