看過團年盆菜的圖片, 自己無啦啦提出團年飯想食八寶鴨, 重拍心口話自己煮.....
團年飯前一星期左右要想好有什麼菜, 要準備什麼材料....
前一天已間中思考煮菜的程序....及開始煲湯! 有點緊張呀!!!!
到團年飯當天, 一起床食過早餐便要開始做菜了!!!
中午時有感到會弄不好團年飯的景象!!! 有一剎那擔心! 不過...
用時間去擔心實在有點奢侈!!! 照著製作步驟煮菜好過!
製成品有....
西蘭花蠔汁鮑魚,
成十幾廿隻鮑魚, 梗係鮮鮑啦! 都炆左4,5個字嫁!!!
主角八寶鴨, 內有糯米, 蝦米, 帶子, 瑤柱, 蓮子, 栗子, 豬蹍, 冬菇.
整個製作過程超過5小時呀!!! 好在順順利利!
鮑汁蠔皇冬菇炆鴨掌
需要一小時!
豉油皇蝦碌
這味我很好快手, 2,3個字攪掂!
還有魚翅群角旺菜豬蹍湯!
從未做過那麼多功序的中菜, 好在沒有大差池!
姨甥仔狂食, 亞爸也說幾好! 叫做大功告成!!!!
沒有留言:
發佈留言