直子煮意 : 鹽焗烏頭

之前看"肥媽"的煮野食節目, 見佢做了個鹽焗烏頭, 又幾簡單喎!

不過自己整會改小小野~


材料: 檸檬葉(我用了十多片), 薑(切數片), 烏頭(不要去鱗), 粗鹽, 錫紙
泰式醬汁: 魚露、青檸1個、蒜粒、辣椒、芫茜、糖

1. 把檸檬葉及薑片放滿魚肚內.

2. 海鹽平鋪一層在錫紙上, 放上鳥頭並將整條魚覆蓋著粗鹽.

3. 將錫紙緊緊裹著覆蓋著粗鹽的烏頭. (我用吾夠錫紙所以用繩幫手)

4. 放入焗爐以200度焗30分鐘便成. 食時可配用泰式醬汁.

屋企餸菜, 會連錫紙上餐枱.  食時才"煎"開魚皮來吃, 因為別忘記烏頭尚未去魚鱗.  若不用泰式醬汁, 可用肥媽教的蒜蓉牛油汁.

直子閒遊: 南丫島右線

以往跟朋友去過南丫島數次, 不過只是跟人行山, 沒有帶相機周圍影!

今次同Mr S去, 影左好多相呀!!!  揀D精選貼出黎先~

我地出索罟灣碼頭向右邊行, 行下影下...

行到見番索罟灣碼頭時, 另一面遠小小位置好似有個涼亭.

行過去又幾ok喎!  

一於係道開餐!

整左餐肉娃娃菜芋絲,

海鹽黑椒薯粒,

以及冷麵! 

Mr S好快清晒D野食, 我諗應該整得吾差啩!

食完走人~

沿路左影右影....

行出山路又搵地方醫肚先~

e間茶餐廳幾抵食, 味道又ok; Mr S話份量又ok!

不過好似吾做晚市, 所以幫襯要請早!

食完late T, 繼續行出碼頭..

見個天幾藍幾靚~

到碼頭lu~

太陽下山lu~

回家lu~

bye bye lu~

直子閒意: 魚魚大得好快~

買神仙同麗麗, 都是在12月中買, 連同新魚缸一起買回家的.  當時個魚缸空位還是相當吾錯.

之後, 1月頭C左兩條神仙, 

補番一條金神仙及白金神仙! 當時熊貓仙重係細條過金神仙!

反而新黎e兩條新仔神仙零舍惡!  係道啄其他神仙!

好在過了一天就好左小小!

宜家只是兩個多月, D魚魚大得很快!!!  

宜家熊貓仙幾乎大條過金神仙!!!!

不過個魚缸好似有D迫囉!!!

大得咁快, 吾知係吾係我比左好多野食比佢地食?

我吾期望佢地靚靚仔仔, 

只要健康活潑又得意就ok! 

點解得意? 好多時我望佢地, 幾乎所有神仙會遊過來望下我嫁!

所以我好鍾意望下佢地!  我認得晒D神仙嫁喇!!!

不過.... 冇理由咁快買另一個魚缸姐!?!  點算好呀?!?

直子膳意 : Surprise

Weekend下午很喜歡食tea, 茶餐廳也好, 西餐廳也好!  因為份量有細份D選擇又平D!!!

今次同Mr S去Surprise食西式tea~

我選了燒雞菠蘿三文治配沙律,

當時吃第一口三文治時, 感到意外的美味!!!!  

想: 下次可以同其他朋友來食; 可是下一次D味道吾同左, 冇咁好味!

Mr S選了煙三文魚忌廉意粉, 也ok好!

這兒的熱咖啡也ok, 不像即溶咖啡!

不過以30餘元的價位而有此等質素, 已相當不錯了!

直子煮意 : 周打魚湯 (用釣魚獲烹調)

之前釣番黎D魚仔, 得幾條!  只可以用來煲湯!

不過煲比屋企人飲, 煲咩野湯好?

中式果D媽咪間中會煲吓, 不如煲周打魚湯啦!

周打是法文「Chaudree」的音譯，意指一個大鍋。據稱法國北部沿海漁村的居民，喜將蜆(或其他海鮮)、醃肉和牛油等一起熬湯，飲用時還加些麵包碎.

我以往做過周打粟米帶子湯. 今次大約跟從那些步驟及一些烹飪心得去處理一個簡易版.


材料: 魚, 蒜頭1粒(切成蓉), 洋蔥1個(切粒), 薯仔1個(切粒), 忌廉(或淡奶); 喜歡的話可加蘑菇粒.

1. 先清理魚魚, 用鹽"那"一"那"(約10分鐘), 沖水後抹乾並洒上麵粉.

2. 煎香魚身至焦香, 加入兩碗水, 煲一會至乳濁色.  再將魚起肉連湯轉到湯煱內.

3. 另慢火爆香洋蔥.  當洋蔥開始稔身...

4. 加入蒜蓉及薯仔粒炒一會.

5. 加入兩碗水或高湯, 煲至薯仔稔身. 我較喜歡原味, 所以通常只用水.

6. 將#5加入#2的湯煱內.  即有蒜蓉, 魚肉, 洋蔥及薯仔.

7. 用攪拌器攪勻後, 番熱再加入淡奶或忌廉.

(因薯仔攪溶後個湯會傑身, 番熱時可以隨喜好加多D水份)

若加蘑菇粒, 可在番熱時加入粒粒煲熟, 之後加入淡奶或忌廉.

用鹽及黑椒調味便成!

重有....情人節快樂!!!

直子閒遊 : 迺欣湖

今次Mr S同我去迺欣湖~  

有得爬艇仔~

又有靚靚花草樹木!

有大草地!  好多人都在草地hea~

我地帶左地蓆, 可以在草地坐下!

坐完一會, 行個轉~

天黑 lu~

週末行下都吾錯~

直子煮意 : 蒜蓉蜆肉意粉

煮意大利粉, 我覺得要正中.....  點為之正中?

要麵條中間有D硬心!  食落口有D趙口的口感為之正中.

而自問煮意粉方面, 火候都幾ok!


平時會整辣椒蒜蓉意粉, 是看到煮野食電視節目中, 有個意大利人教的.

因為材料和做法都非常簡單, 所以煮多D就熟能生巧!


而煮比屋企人食, 就吾會咁簡單喇!  就係....

蒜蓉蜆肉意粉

材料:
蜆肉, 意粉, 蒜頭 (份量因喜好增減)

1. 先用熱水煮意粉, 我不會煮全熟, 會煮至半熟.  撈起待用.

2. 用油加鹽, 爆香蒜蓉.  加入半熟意粉, 加半碗水將味帶入意粉.

3. 炒至意粉7,8成熟就可以了.