直子閒釣: 機場1031

成年有多冇黎過E道釣魚! 記憶之中係....有D難釣, 因為我地閒釣吾打餌, D魚好精口!!! 

一開始試浮波, 要作出調整. 點知set漏左D野!!! 

好彩早發現, 還以為龜硬~ 總之攪左成個多鐘先算正式開始! 

而心態上作戰意識更高昂!

個釣棚set啱左即有魚中!!! 

之後友人叫食野 lu~

是次小食: 咖哩豬皮魚旦蘿蔔.

好在後繼有力都有D收獲! 

有D風, 流有D急, 有魚的位置吾多. 

搵到位(指海位而非企位)釣一陣, 又要再搵另位置. 

同友人們共中了D立仔, 哨牙妹及石狗. 

以前吾like石狗嚴細條, 原來街市賣成八十多元一斤!  

直子膳意: 潮菜廳

早前同家人吃了一頓潮州菜,

見網上有團購, 又有凍蟹!

先來響螺煲雞湯, 好多料, 好夠味!

潮州凍花蟹, OK, 但不是太理想.

滷水鵝併盤

潮炊黃立鯧, 好好食!!!!

鮑魚蒸肉餅, OK.

潮式臘味炒飯, 炒得幾乾身, 吾錯.

不用 $150一位, 平過散叫!

直子閒釣: 首次外礁磯釣

首次外礁磯釣, 100萬個好玩!

起初見浪吾大, 用浮標應該冇問題, 點知鬼咁多魚毛!!!! 直情成個浪咁擁埋黎!!!! 真係要狂打餌!!!! 

中了一些魚, 而石剎是首次中!!! 開心!!!

跟住搵倒立魚位, 不斷中立魚, happy!!!

並且好努力練習浮標!!!

注意注意!!!!!! 臨走時發生左D事!!!!!!!!!

當Mr S叫收野走時, 我正在等待浮標的訊息, 心想: 冇聲氣嘅? 明明之前果個位有D異樣~ 冇訊號唯有收番來啦! 攪兩下....??攪吾倒???? click石???? 我用浮標浮緊喎!!!! 而且試過相同位置收絲都冇野勾住! 咁揪兩下竿都冇旭, 吾通真係click石? 

但....此時"click石"位置居然向右慢移!!!!!!! 心諗: 點解嘅???????? 實在太震撼!!!!! 當時覺得拖緊個貨櫃, 重要識向右移!!!!!!!! 我已盡晒人事的起支竿!!!! 但係的兩的就斷絲! 而要執野走所以冇仇佈. 而今次有此機會睇驗感到非常開心!!!

直子膳意: 嚐味

e個係無骨海南雞套餐,

係Mr S介紹的,

因為套餐重有碗老火湯, 

相當夠味!

有次換一換口味,

要了個沙薑雞,

不過下次都係要海南雞, 因為有D酸醬香口D!!!

直子煮意 : 八爪魚炒青瓜

我家很小選購八爪魚, 墨魚, 魷魚之類.

覺得吾係特別好食又高膽固醇!

不過釣魚時, 釣了幾隻八爪魚仔...

要想下點樣煮好!

就用青瓜一起炒, 簡單又香口.

只有三隻八爪魚仔, 不過家人不太喜好所以小D重啱佢地.

用酒, 胡椒粉, 魚露醃一陣.

青瓜切斷, 用油鹽輕炒一炒, 盛起待用.

再炒八爪魚至出香味, 此時可放入青瓜一起炒.

炒均便可上碟.

而有點意外是, 炒出來有點蝦膏香味,

不知是魚露還是八爪魚的香味!

直子直言: 小氣

起題因見網民whatsapp cap圖互鬧: "又小氣又冇料到"!!!


有了blog以來, 都知網上難免有奇怪事情.  因為始終有人的地方自然會有D麻煩野!

在網上, 我會加入一些釣魚, 煮野食, 新聞及旅行興趣群組, 知下D新資訊咁.... 而我最怕D小氣blog友或群組主持, 又小氣又要死撐!  即係死吾認錯或吾認輸!  其實是有感而發....


見過某某介紹泰國旅遊的群組, 有組員'亞丙'似是功高蓋主, 組主似是借D2刪走那組員'亞丙'而野來其他組員不滿!  組主更自己貼上whatsapp cap圖, 說亞丙鬧她(又小氣又冇料到)等等.  而那組主是在y!blog寫過下煮食blog, 又咁啱比我見到發生過D為小事而爭咬事件.  原本惟忙了此等陳年小事, 睇睇又似曾相識, 於是記番起!!!

我覺得有D小氣!吾小氣邊會為小事爭咬呀!!!!  類似事件重複發生, 好難以個別事件來衡量!

如今又見此組主生事.  生完事又要"拿番喳沙"說忙著多加了百幾個會員, 而剛巧我數天前咁啱望過下D組員人數, 根本冇多上百幾人!  除非同時有百幾人加入又有百幾人走啦!  而該組主硬係要自我攞彩我覺得好低手囉!!!  洗咩突登講加左幾多人jet!!!  低裝!!!!!!!!

ED話不投機, 雖然並沒有半句話... 都要即走!!!!  因為見到都辛苦自己!!!!!

直子煮意 : 簡易煙三文魚三文治

有天計劃做西式晚餐,

已有焗魚, pizza 及法式長豆.

於是用芝士, 蕃茄, 煙三文魚, 自家製麵包, 白汁及三文魚醬(ikea有售),

做了三文魚三文治.

夠簡單, 可以另外找其他人代勞也不會出錯.

亦是因為爸爸喜歡吃三文魚!

直子膳意: greyhouse

這一餐雖然已經有一段日子了,

但, 此是Mr S特意同我試的一間泰式西餐,

N年前在泰國到過此餐廳食下午茶.

所以都想po....

香港這一間格局較高級, 

反而原裝泰國較文青, causal D.

先來香茅熱茶,

很有泰式風味而且真的很香,

個人較易接受香料的香味. 

其實吾太記得個名,

大約是大蝦炒貴刁.

加上青檸汁, 特別清新!

其實間餐廳都ok,

但位置方面, 我是不慣常到!

直子閒遊: 書展2015

書展年年都多人.

今年同Mr S去書展, 

只行了1樓,

不過都有收穫!

雖然家中已經有很多烹飪書, 但係......

一折真係好抵!!!

50蚊都吾洗!!!!

直子膳意: 米線陣

有次釣完魚,

同Mr S,

去醫肚.

食米線陣.

價位ok又有野飲!

直子閒釣: 未釣過嘅魚

好耐耐耐耐耐耐耐冇出blog了.

最近有D收獲, 釣倒D以前未釣過而又小小靚嘅魚.....

一於出吓blog啦!

開頭冇魚訊, 連條青蟲都冇魚食....

心想: 一係冇晒魚, 一係冇細魚因為有大魚!

總之釣到冇咩癮!!!!!

點知中了條魚毛仔!

都好過冇, 雖然都係放生!

之後居然比我釣倒條牙點!

嘩!  好靚仔!!!!!

中了條或魚....

近頭頂有黃色及紫色班, 上水那刻色彩更鮮明!!!!

好彩, 最後都有番小小彩數!

直子煮意 : 燒柚子一字排骨

直子專門負責星期六開餐, 因為人多要就各人口味, 難以試做刁鑽西式菜, 有d吾知整乜好.

整排骨啦.....

燒排骨啦.....

醬燒排骨啦......

比我找到這個食譜 - 柚子蜜一字排骨

食譜比較平實, 賣相不太討好, 本來沒有諗住出blog.  但原來味道是不錯的, 所以都出blog方便我日後參考.

材料:

一字排骨         400g - 500g

蒜頭                 2-3粒

乾蔥                 3-5粒

柚子蜜             1-2湯匙

清水                 半杯

粟粉                 少許

調味料 : 

老抽                 1茶匙

麻油                 1/4茶匙

片糖                 15g (約1/3片)

鹽                     1/4-1/2茶匙

醃料 : 

鹽                      1/2茶匙

糖                      1/4茶匙

老抽                  1/2茶匙

生油                  1/2茶匙

燒酒                  1/4茶匙

做法 :

1. 排骨洗乾淨, 下醃料調味, 待30分鐘.  而我早一晚醃味再放入雪櫃.

2. 準備一煎鑊,下油爆香蒜頭,乾蔥,然後放入排骨, 煎至兩面金黃色.

3. 加入清水, 再加入調味料拌勻, 轉小煲以小火煮約20分鐘至排骨熟透.

4. 加入柚子蜜,煮3分鐘至完全混合, 即成. 或醬汁收水亦可.

tips : 

柚子蜜應在最後才加,否則味道會較苦.

尋回聖誕食事

早陣子又忙又懶惰!!!!  所以冇出Blog好耐lu!!!

其實一路都有影相, 企圖出blog的!

先補番上次聖誕同Mr S 一齊食的韓式炸雞.

事關我地兩個都未食過,

一於試下啦!!!

D香口野間中食一次半次都ok! 

而餐前小食都ok!

另外我常常想和Mr S一齊share件聖誕蛋糕.

咁啱麥當當有款聖誕蛋糕都幾吸引!

一試之下又幾吾錯!!!

不過"茶"字果杯就麻麻哋!!!!

直子煮意: 牛肉片舞菇飯盒

我會突登買餸做飯盒.  有時吾知是否遲左買菜, 見到的種類不太啱心水.

於是食菇類罷了!

菇類好似配上牛肉較野味!

牛肉只用基本調味料醃一醃,

本菇用蠔油掠炒至6成熟盛起, 而牛肉亦是炒至6成熟.

因為熟晒時再"叮"D餸會乾枯!  

6成熟再"叮"的樣子不錯呀!  一點也不dry!!!

開餐lu~