直子煮意 : 快煮白菜魚乾飯

這味快煮飯是隨自己組合, 是看看當時雪櫃有什麼物資而定.

有白菜喎!  雖然有急凍肉, 不過晚上趕著弄個晚飯醫肚, 趕不及溶雪, 所以用不著.  見有些魚乾, 煎香D魚乾加白菜, 應該幾香口!!! 一於用佢啦!

只需要 .....

1.  洗淨白菜, 切細段, 用清水浸住, 會爽脆D!

2.  魚乾煎香.  不用洗鑊!

3.  用原鑊加點鹽炒白菜 (白菜便吸收魚乾香味), 盛起待用. 不用洗鑊!

4.  原鑊放多小小油 (會有小小爆的), 下飯炒至乾身, 再下 #3 的白菜炒多兩炒便成.

5.  上碟時加上 #2 的魚乾.

這個組合, 味道香口, 白菜爽口, 魚乾香脆, 最緊要係方便快手!!!