直子煮意 : 清輕食, 鷹咀豆, 紅蘿蔔芝士沙律

飛機餐有鷹咀豆(又名三角豆)沙律, 但那次只有鷹咀豆!

有時某D酒店buffet salad bar也有鷹咀豆, 不過我多數選蔬菜沙律!!!

鷹咀豆好處有纖維優勢和減肥, 鐵升壓, 穩定血糖和低血糖指數（GI）, 心臟健康及減肥等.  詳細請閱- http://www.naturalfoodbenefits.com/display.asp?CAT=2&ID=86


淨食鷹咀豆, 覺得有點齋!

想加入蔬菜及多一點滋味...

於是成了鷹咀豆, 紅蘿蔔絲芝士沙律.

用了半支紅蘿蔔, 切成絲(可刨絲);

細半碗乾鷹咀豆(30多粒), 浸半小時再煮稔;

及一片芝士, 切碎....

加上自己喜愛的沙律醬, 成!

當感到腸胃阻塞, 食沙律多舒暢!

直子煮意 : 醉雞翼

醉雞翼是否佐酒小食?  我吾知!  只是媽咪喜歡吃!

其實很久以前整過了, 但印象之中不太入味.  後來"亞蘇"(蘇絲黃)教過之後, 又好似冇難度!

我用了雞翼10隻, 另需要蔥1條, 薑2片, 冰水1湯碗以作浸雞翼用.

煲滾水, 放入薑葱煲出味, 再下雞翼煮至熟透.  

此時要立即立即立即將雞翼放進冰水中浸至冰凍.

將花雕酒1.5杯, 玫瑰露0.5杯, 魚露2-2/3湯匙及砂糖1湯匙拌勻成醉雞汁.

可以在此時試下味, 隨喜好作出適量調較.

再加入雞翼浸最少四小時.  但我覺得浸過夜較好. 

係吾係好簡單呢!

p.s.  好多食譜只是用花雕酒, 不過我覺得加小小玫瑰露會香d~

直子膳意, 去馬德里

話下星期會轉冷, 雖然我幾喜歡天氣轉 - 即係春天又想夏天黎, 夏天又想秋天黎!

不過自己又小小怕凍!  所以換左季了!

吾知點解每奉換上秋冬季衣物時, D衫好似小左!!!

不過今年D衫明顯小左, 所以都幾滿意我的"清屋行動"!


上次同Mr S食西餐係我話既, 今次係Mr S.

我果set係牛柳餐, 

有野菜沙律同田螺, 好多野食囉!

重有八爪魚沙律前菜小食!

其實重有湯添架!

Mr S除了有相同的前菜及湯外,

他點了個石頭飯.

吾止抵食, 

環境都好OK呀!

直子閒意 : 金神仙, 眼望望

9月中左右買金神仙番黎, 係BB黎!  

BB金神仙~  傻更更!

睇下金神仙同米奇的對比就知道, 金神仙大隻左好多呀!!!

而且, 好鍾意望出面...

影佢時, 佢又會望下鏡頭!!!  我留意過好多次喇! (^_^)*

有冇發現有咩野吾同?

換左缸呀!

因為用開果個無啦啦裂左!!!

由頂裂到底, 好邪呀!!!

所以要搵個新地方比佢地!

直子煮意 : 羅勒蒜蓉黑青口

青口, 媽咪鍾意食!  

悉逄她的生日, 就整番味羅勒蒜蓉黑青口啦!

青口的類別, 喜歡藍青口及黑青口!  細隻D, 但係口感軟熟D!

超市減價, 廿多元有一大包!  

其他材料有蒜蓉, 乾蔥頭, 羅勒(大棵->半棵, 細棵->整棵)及白酒.

用橄欖油炒香蒜蓉及乾蔥頭, 加小許鹽.

加入半杯白酒, 再加入羅勒葉片半份, 掠煮一會.

此時可加入青口, 攪拌一會蓋上鑊蓋5-8分鐘或直至青口殼開口.

上碟時加海鹽調味, 灑上剩餘的羅勒葉片便成.

成本三十多元, 而有百多元排場, 超曬值啦!

直子煮意: 亞麻籽麵包雜薈(葵花籽, 芝麻, 原味)

亞麻籽是高纖食品, 並有奧米加三.

多年前因為貪新奇, 廿多元買了一包亞麻籽回家試試.  多數加入麥片一起食.

今次做了亞麻籽麵包雜薈~

亞麻籽有防炎、降血壓、護骨兼防癌功效, 詳情可見亞麻籽護體有法子

慬記亞麻籽必須攪碎才進食, 身體才能吸收!!!!!

我會將亞麻籽乾鑊炒香才磨碎, 會帶有芝麻香味.

最近見到亞麻籽只是十多元一包, 重係有機的!  最近又想食高纖食品, 一於買番包先!

麵粉團製法早已在早前網誌講過, 所以不多講了.

只是將亞麻籽加入麵粉團中搓, 中型麵包分為四份.  (大包分兩份)  

搓入麵團的黑色東東便是亞麻籽!  其實我只加入了3湯匙!

淨麵包材料費大約只是5蚊, 而加入亞麻籽及果仁大約12-16蚊.

其實都好平囉! 市面上一個中型果仁麵包都要10蚊啦!  冇咁多果仁添!

宜家有亞麻籽及果仁, 有益健康嘛!!!  平均4蚊個咋!!!!

有原味, 芝麻及葵花籽.

搓完的麵包團要等一小時放鬆.  肥左D喇!!!

放鬆後會發起的

180-170度焗約15分鐘. 成.  有得食lu!!!

亞麻籽真係遍佈麵包內, 好高纖嫁!

得閒切幾片入焗爐, 焗到面頭喔喔脆!!!

直子遊意: 山頂

我們較小在港島遊玩~  港島冇野行咩???

吾係吖~  港島都有好多值得遊覽的地方!

山頂全境

謊話檢測!!!

問你敢吾敢伸隻手入去!

山頂廣場下望

由盧吉道下望

吾該, 吾好係盧吉道攪咁多野啦!!!!!!

直子潮玩 : Bitstrips

話近來好多人玩Bitstrips咩???  可能外國人多玩啩!  

我都冇被Bitstrips洗版!  即管整幾個公仔玩吓啦!

我估我整野食時係咁樣啩~

對住D姨甥仔係咁樣!

平時冇咩野就咁樣啩!

食野時係咁樣囉!

吾小得e個啦!!!

Hehehe~~~

直子煮意 : 紅酒煮牛尾

我真係好鍾意用紅酒煮牛尾D汁來撈飯!!!!

平時只食細半碗飯, 此時可食一碗飯!!!!

牛尾洗淨抺乾, 撲上薄薄粟粉

用牛油起鑊, 若怕膽固醇高可減量而用其他低膽固醇食油補替

煎香牛尾表面

加入紅酒, 水份, 茄膏及月桂葉, 攪拌後加入紅蘿蔔, 煲約一小時.  

間中番轉牛尾至煮稔.

我並不喜歡食紅蘿蔔, 但紅蘿蔔同紅酒真係相當夾!!!!

而且加入紅蘿蔔的醬汁份外好食!  所以一定一定要有!!!!  開餐lu!

直子膳意, 去Strawberry Forever

我和Mr S多吃港式及日式餐點.....

所以好似, 這是首次同Mr S共用西餐,

要出下blog啦!  雖然冇咩特別!  先來.....

忌廉蘑菇湯.

士多啤利XX沙律 (XX=忘記了)

主菜是日式鰻魚飯, 

不過掛住食同講野,

吾記得影相!

甜品是提拉米蕯.

食完行下街先~

直子煮意: 冬瓜蓉蝦米魚滑羹

時不時, 我做菜式會花d功夫果隻, 例如切幼絲或切細粒粒.

今回是冬瓜蓉蝦米魚滑羹 - 半份冬瓜粒粒半份冬瓜蓉.

原本應該是海鮮羹, 但貪未用過魚滑, 兼且是自己放學後一人份餐, 又快又吾洗諗買咩野海鮮!

預備小許蝦米, 沖洗後浸一會待用.

冬瓜切小粒粒, 用湯煲加水煮稔, 取一半以攪拌器攪成冬瓜蓉.

冬瓜蓉未放回湯鍋之前, 在原用的湯煲, 加入魚滑煲熟.

將冬瓜蓉放回湯鍋, 加熱, 放入浸好的蝦米, 煲一會.

以鹽及胡椒調味,  

可加入蔥粒, 成.